Çmimet e Shërbimeve

Kjo tarifë mbulon ardhjen e teknikut në lokacionin tuaj (deri në 100km nga Fushë Kosova). Shuma prej 50€ paguhet vetëm për vizitën (udhëtimin), ndërsa çdo shërbim tjetër apo pjesë shtesë tarifohet ndaras sipas çmimores.

Analizë e thellë e sistemit tuaj ekzistues. Përfshin testimin e qarkut të kamerave, lidhjeve të rrjetit dhe hard diskut për të gjetur saktësisht burimin e problemit para fillimit të riparimeve.

Ndërrimi dhe presimi profesional i kokave RJ45 në kabllot ekzistuese të rrjetit. Testimi i linjës për të siguruar transmetim të dhënash pa ndërprerje. Çmimi mbulon deri në 4 konektorë.

Rregullimi i problemeve me furnizimin me energji. Prerja, bashkimi dhe izolimi i sigurt i kabllove ose konektorëve DC (Rryma) për kamerat, duke eliminuar shkyçjet. Mbulon deri në 4 ndërhyrje.

Zëvendësimi i konektorëve të vjetër ose të ndryshkur BNC në sistemet e kamerave analoge. Kjo siguron kualitet të pastër të figurës pa dridhje ose ndërprerje. Përfshin deri në 4 konektorë.

Zhbllokimi i kamerës IP në rast të humbjes së fjalëkalimit. Kryhet procedurë Hard/Soft reset. Për 1 deri në 8 pajisje çmimi është 25€/copë. Për sasi mbi 8 pajisje, çmimi zbret në 20€/copë.

Përfshin vlerësimin e këndit të shikimit, shpimin profesional të mureve, izolimin e kabllove në kuti mbrojtëse, pozicionimin fizik të kamerës dhe fokusimin final të pamjes për shikueshmëri maksimale.

Vendosja strategjike e sensorëve të lëvizjes (PIR), sensorëve të dyerve/dritareve apo detektorëve të tymit. Integrimi me panelin qendror të alarmit dhe kalibrimi i ndjeshmërisë për të shmangur alarmet false.

Heqja profesionale e kamerave, bazave, sensorëve apo kabllove të vjetruara duke siguruar që muret apo sipërfaqet e objektit tuaj të mos pësojnë dëmtime apo plasaritje të panevojshme.

Lidhja e pajisjes DVR/NVR me rrjetin e internetit lokal. Konfigurimi i P2P (Port Forwarding), krijimi i rregullave të regjistrimit, dhe lidhja e sistemit me aplikacionin në smartphone (deri në 3 telefona).

Në rastet kur keni harruar email-in ose fjalëkalimin dhe pajisja është e bllokuar në një llogari tjetër (p.sh. Hik-Connect). Përfshin shkyçjen (Unbind), krijimin e një emaili të ri dhe konfigurimin e plotë në aplikacion.